ᐃᑲᔪᖅᑐᐃᕗᒍᑦ ᐃᓄᖕᓄᑦ−ᐊᐅᓚᑕᐅᔪᓂᒃ ᒪᒥᓴᕐᓂᕐᒧᑦ ᐊᒻᒪ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᓂᒃ ᑭᕙᓪᓕᕐᒥ.
ᐱᓕᕆᔨᕗᑦ ᐃᓕᖅᑯᓯᕐᓄᑦ ᐃᓱᒪᒃᑯᓪᓗ ᖃᓄᐃᙱᑦᑎᐊᕐᓂᕐᒧᑦ ᐱᓕᕆᐊᒃᓴᓂᒃ ᑭᕙᓕᕐᒥᐅᓗᒃᑖᓄᑦ ᐱᕈᖅᐸᓪᓕᐊᑉᔪᑕᓗ!
ᓄᓇᓕᓐᓂ ᐃᓅᓯᓕᕆᔨᖃᖅᑐᒍᑦ ᐊᒻᒪᓗ ᐊᖑᑏᑦ ᐱᓕᕆᓂᖏᓐᓄᑦ ᑲᒪᔨᐅᑉᓗᑎᒃ ᐊᑐᓂᒃ ᓄᓇᓕᖕᓂ, ᐊᒻᒪᓗ ᐊᕕᑦᑐᖅᓯᒪᔪᓂ ᐱᓕᕆᐊᖑᖃᑦᑕᖅᑐᑦ ᓄᓇᑐᐃᓐᓇᕐᒥ ᐊᔪᓕᕐᓯᒪᔪᓄᑦ ᐃᑲᔪᖅᑕᐅᔭᕆᐊᓕᖕᓂᒃ. ᐊᐅᓪᓚᑎᑦᓯᕙᒻᒥᔪᒍᑦ ᐊᒃᓱᕈᓐᓇᖅᑐᓂᒃ ᖃᐅᔨᒋᐊᑲᓐᓂᕐᓂᕐᒧᑦ ᐱᓕᕆᖃᑎᒌᓂᒃ ᓄᓇᓕᓐᓄᑦ ᐃᑲᔪᖅᑐᐃᓂᕐᒥᒃ ᐃᓚᒌᓂᒃ ᐃᓚᐃᖅᑐᓂᒃ ᓇᓪᓕᒋᔭᒥᓐᓂᒃ.
ᑲᖏᖅᖠᓂᕐᒥ, ᐃᓕᓐᓂᐊᖅᑎᑦᑎᑕᕋᑉᑕ ᐃᓕᓐᓂᐊᕐᓂᐊᓕᓵᖅᑐᓂᒃ, ᐊᐃᑉᐸᕐᒥᓂᒃ ᐋᓐᓂᖅᑎᕆᖃᑦᑕᖅᑐᓄᑦ ᐃᓅᓯᓕᕆᓂᕐᒥᒃ, ᓯᖓᐃᔪᓄᑦ ᐱᓕᕆᐊᓂᒃ, ᐊᒻᒪᓗ ᐸᕐᓇᐅᑎᑕᖃᖅᑐᓂ ᖃᐅᔨᓴᕐᖢᒋᓪᓗ ᑕᒪᒃᑯᐊ ᐊᓯᖏᓐᓄᑦ ᓄᓇᓕᓐᓅᑉᐸᓕᐅᖁᓪᓗᒋᑦ.
ᑲᑐᔾᔨᖃᑎᒌᕗᑦ
1979-ᒥ, ᐳᓛᕐᕕᒃ ᑲᑉᓗ ᐱᖃᓐᓇᕆᔭᖃᕐᕕᒃ ᓴᖅᑭᑕᐅᓚᐅᖅᓯᒪᔪᖅ ᐃᓄᖕᓄᑦ ᐃᓄᖕᓂᒃ, ᑲᖏᖅᖠᓂᕐᒥ. ᐅᓪᓗᒥ, ᐆᒻᒪᕆᒃᑑᓕᖅᐳᖅ ᐊᕕᒃᓯᒪᓂᕐᒥ ᑲᑐᔾᔨᖃᑎᒌᖑᔪᖅ ᐱᑎᑦᑎᕙᒃᖢᓂ ᐱᔭᐅᔭᕆᐊᓕᖕᓂᒃ ᖃᓄᐃᙱᑦᑎᐊᕈᓐᓴᕐᓂᕐᒧᑦ ᐱᓕᕆᐊᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᑭᕙᓪᓕᕐᒥᐅᓕᒫᒥ. ᑐᕌᕆᔭᕗᑦ ᑲᔪᓯᑎᑦᑎᔪᒪᓂᐅᕗᖅ ᐃᓄᖕᓄᑦ−ᐋᖅᑭᒃᓱᖅᑕᐅᓯᒪᔪᓂᒃ, ᐃᓄᖕᓄᑦ−ᐊᐅᓚᑕᐅᔪᓂᒃ ᐱᓕᕆᐊᒃᓴᓂᒃ ᐱᔨᑦᑎᕋᕐᓂᕆᔭᐅᕙᒃᑐᓂᒡᓗ ᐊᑕᐅᑦᑎᒃᑰᖃᑎᖃᑦᑎᐊᖅᑐᓂᒃ ᑭᕙᓪᓕᕐᒥ ᐃᓄᐃᑦ ᐃᓅᖃᑎᒌᒃᐸᖕᓂᕐᒧᑦ ᐊᓐᓂᕆᔭᖏᓐᓂᒃ ᐃᓕᖅᑯᓯᖏᓐᓂᒡᓗ, ᑕᐃᒪᐃᓕᐅᕐᓂᕐᒥᓂᓗ ᖃᐅᔨᔭᐅᓯᒪᔪᓂᒃ−ᑐᙵᕕᓕᖕᓂᒃ, ᑐᓴᐅᒪᑎᑕᐅᓗᑎᒡᓗ ᐱᐅᓛᓄᑦ ᐊᑐᖅᑕᐅᔪᓐᓇᖅᑐᓄᑦ. ᐱᓕᕆᖃᑎᖃᕋᓱᐊᖅᐸᑦᑐᒍᑦ ᓄᓇᓕᓐᓂ ᖃᓄᐃᓐᖏᓯᐊᕐᓂᕐᒧᑦ ᐱᓕᕆᐊᓂᒃ ᐊᒻᒪᓗ ᑲᑐᔾᔨᖃᑎᖃᖅᑐᑕ ᐋᓐᓂᐊᖅᑐᓕᕆᓂᕐᒥᒃ ᐊᒻᒪᓗ ᐃᓄᓕᕆᓂᕐᒥᒃ ᐊᑐᐃᓐᓇᐅᔪᓂᒃ ᓄᓇᕗᑦ ᓄᓇᓕᓕᒫᖏᓐᓂ ᓄᓇᕗᑦ ᒐᕙᒪᒃᑯᖏᑕ ᐋᓐᓂᐊᖃᕐᓇᖏᑦᑐᓕᕆᔨᒃᑯᖏᑎᒍᑦ.
ᖃᓄᐃᓕᐅᕆᐊᕐᓂᖅ
ᐃᓚᐅᖃᑕᐅᒋᑦ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓂ ᖃᓄᐃᙱᑦᑎᐊᕐᑐᓕᕆᓂᕐᒧᑦ ᐱᓕᕆᑉᕕᖕᒥ!